Ayaz Qocamanov: “Rayonun məsuliyyətini daşıyacaq şəxsi seçmək zamanıdır”

87 saylı Ağsu-İsmayıllı seçki dairəsindən millət vəkilliyinə namizəd Ayaz Qocamanovun təbliğat-təşviqat kampaniyası uğurla davam edir. Rayonun əksər kəndlərində keçirilən görüşdə sakinlərin böyük dəstəyini qazanan Ayaz Qocamanov seçki platforması barədə ətraflı məlumat verir, insanların problemlərini öyrənir.

Pravda.az-ın xəbərinə görə, Ağsunun Qubaxelilli, Maşadqanlı, Dilman, Kalva, Nuran, Xatman, Nüydü kəndlərində sakinlərlə görüşən namizəd Ayaz Qocamanov seçicilərə platformasını təqdim edib, millət vəkili seçiləcəyi təqdirdə görəcəy işlərdən danışıb.

Namizəd bildirib ki, ölkədə nəzərdə tutulan islahatların uğurla və davamlı həyata keçirilməsi üçün əlindən gələni əsirgəməyəcək, daim əhalinin rifahı uğrunda çalışacaq.

Ayaz Qocamanov sakinlərlə görüşdə bir daha seçicilərin diqqətinə çatdırıb ki, seçkilərdə iştirak hər bir vətəndaş üçün önəmlidir və bu, taleyüklü məsələdir: “Əziz həmyerlilərim, Ağsulular. Artıq parlament seçkilərinə sayılı günlər qalır.

Növbəti 5 il müddətində rayonun taleyini və məsuliyyətini daşıyacaq şəxsi, sizin adınızdan, sizin problemlərinizi yüksək instansiyalarda səsləndirəcək, parlamentdə dilə gətirəcək şəxsi seçmək vaxtıdır. İstəyirəm ki, bu məsələnin məsuliyyətini hər biriniz duyasınız, seçkidə yaxından iştirak edəsiniz. Seçki günü hər birinizin dəstəyinə güvənirəm. Birlikdə çox yaxşı işlərin öhdəsindən gələcəyimizə inanıram”.

Ayaz Qocamanovun seçki platforması ilə bir daha tanış olaq:

*Dövlətə və dövlətçiliyə sadiq qalmaq

* Yeni parlamentdə islahatçı fikir və ideyaların təklif edilməsi

* Sosial-iqtisadi problemlərin həlli məqsədi ilə iş yerlərinin yaradılması

* Şəhid ailələrinə, Qarabağ müharibəsi veteranlarına, əlillərə, ahıllara, xüsusi qayğıya ehtiyacı olan insanlara xüsusi diqqətin yetirilməsi

* Ağsuda Millət vəkili varlığının köklü şəkildə hiss edilməsi

* Xarici iş adamlarının bölgəyə cəlb edilməsi, zavod və fabriklərin yaradılmasına nail olmaq

* Dövlət büdcəsindən rayona subsidiyaların artırılmasına çalışmaq

* Kəndlinin problemlərinin həll edilməsi

* Kəndlərdə toplanan məhsulun şəhər bazarlarına asanlıqla çıxarılması üçün tədbirlərin görülməsi

* Rayon və kəndlərdəki problemlərin Milli Məclisdə səsləndirilməsi və həllinə nail olmaq

* Ağsu rayonunda mədəni və tarixi irsin qorunması

* Seçicilərə münasibətdə VİCDANIM VƏ ŞƏRƏFİM prinsipinə sadiqlik…

İddialı namizəd Ayaz Qocamanovun kəndlərdə görüşləri davam edir.

Qeyd edək ki, 87 saylı Ağsu-İsmayıllı seçki dairəsindən namizədliyi qeydə alınan Ayaz Qocamanov gənc iqtisadçıdır. Azərbaycanın Türkiyə və Rusiya ticarət əlaqələrində kiçik sahibkarlara dəstək verən tanınmış marketinq mütəxəsisidir.

Fotoları təqdim edirik